Oroma khöda wa ba wolau maena tola tasöndra wondrara dödö. Oya döi maena si no lafa’anö ira satuada ma ira amada föna zo’ösi fondrara dödö, he ba lala note nia, töratöra sa’ae ba döi maena andrö. Ifasao khöda Towitowi sambua zui maena si no la bali’ö ba format MP3 ya’ia da’ö, töi maena “He ono alawe, he ono matua”.
Tola tahalö maena da’a banahia si no tehenagö. Fetugö ba da’a wangai ya’ia.
Hadia mbörö wa so wehede simane da’a: “Abu’a gömö firö, lö abu’a gömö li? No sa’ae i’otarai meföna tesöndra wehedehede si mane da’a. La’oguna’ö ia ba wame’e menemene khöndraono ira satua föna. Tatu manofu göi ita manema’ökhö hadia sibai geluaha wehede da’a?
Itaria na fahuhuo ita, ba oya manö wehede si lö fagöna zalua ba mbeweda, töratöra sa’ae na ba wönu so ita, lö ta’ila hadia sinangea ma lö’ö zalua baehada. Hiza, oya sibai mbua si lö baga na alua wehedehede si lö fagöna andre. Tola tumbu wönu moroi ba zamondrongo börö afökhö bakha dödöra wamondrongo fehededa si lö monga’öla.
Na tatörö tödöda he’iwösa hada Nono Niha meföna, töratöra zanandrösa ba mböwö wangowalu, sinduhu wa sahakhö dödöda wamaigi. Me föna, na so nono matua sedöna mamasindro ngambatö, zi lö’ölö’önia hasambalö i’a'asogö gefe sebua, nga’eu mbawi soya, ana’a siha’uga fiku awö mböra ba ngaso’e. Na inötö alua zimane da’ö, ba oi lafo’ola’ola wangohonogöi bongi mböwö. Lafotöi ia ba khöma “Fangötö Bongi Mböwö”.
Fangötö Bongi Mböwö andre tebörötaigö ia ba “wondröi bola si lö ösi ba fondröi laeduru, tefatohu ia ba “wemanga bawi ni sila hulu ma fangandrö li”. Na no aefa ginötö da’a, labaloi 7 ngaluo, ba lafalua “wame’e bene’ö ma famotu ono nihalö”. Ba ginötö wamotu andre, lahonogöigö ngalua “Walöwa” fao wa la’a'asogö fefu mböwö si no muhonogöigö ira amada soroi ba nono matua. Na no nasa aefa walöwa, so nifotöi “fangawuli furi” tanö ba nonomatua. La fatohu zui ia ba “wamuli nukha” ba afuriata nia “fanörö ma falukhasa ngambatö sibohou khö zitengabö’ö nia. Tohugö wombaso da’a »
Nikhoi tanö baero sola’a saitö samasui gambara logo mo’eluaha ia ba wahasambua awö wa’orahu si lö fa’aboto ba gotalua Nono Niha.
Arögosali so sagö so la’a idanö kofi mo’eluaha ia ba wahasara dodo ba wangai angetula ero’ero so wamatunö ba wangahonogöi goigoi nifalua bakha ba wa’auri sero ma’ökhö.
Fali’era, Lauru, Afore, sola’a saitö mo’eluaha ia sanandrösa ba wa’adölö, fa’atulö, fa lö falimo.
Bola Nafo sola’ala’a mo’eluaha ia sanandrösa ba wahuwusa Nono Niha ba niha bö’ö.
Eu Beringi sobulu ndru’u mo’eluaha ia sanandrösa ba wa’orahu Nono Niha ba wondrorogö Negara Indonesia andre bakha ba hasambua.
Gowe, Baluse, Toho, dan Gari, sola’a aitö mo’eluaha ia ba wa’auri Nono Niha ba wondrogö hada, awö wangoguna’ö fa’abölö ba wolawa udu sedöna mamakiko fahasambua Nono Niha.
Hurufo Nias ya’ia da’ö töi Danö Niha si no teturia. Töi da’a göi nifake ba wanötöi Kabupaten Daerah Tingkat II Nias.
Hombo Batu
Selancar ba Lagundri
|
| Fasura'ö döimö ba Gowuloa Li Niha (Bahasa Nias) |
| Ondrasi Gowuloa Da'a |
